Të mërkurën në orën 20:45 në ‘Elbasan Arena” do të luhet ndeshja e tretë kualifikuese e Botërorit ‘Qatar 2022’ për Kombëtaren tonë me San Marinon.
Pas humbjes 4-0 ndaj Polonisë dhe fitore 1-0 ndaj Hungarisë, kuqezinjve iu duhet të marrin vetëm fitore në takimin e sotëm, në mënyrë që të kenë mundësinë për të vijuar rrugëtimin e tyre në Botëror.
Shqipëria renditet aktualisht e treta në Grupin I, me vetëm 9 pikë, ndërsa vendi i dytë mbahet nga Polonia me 10 pikë dhe në vend të parë qëndron Anglia me 15 pikë.
Kjo ndeshje pritet të jetë e thjeshtë për Kombëtaren tonë, pasi përballë do të ketë kundërshtarin më të dobët të grupit. San Marino renditet në vend të fundit me zero pikë, pra deri më tani nuk ka marrë asnjë barazim, e jo më fitore.
Megjithatë kundërshtari nuk duhet nënvlerësuar asnjëherë dhe kuqezinjtë duhet të futen në fushë në të njëjtën mënyrë si të ishin përballë një kundërshtari të rrezikshëm, në mënyrë që të sigurohet vijimësia në këtë kampionat dhe të kishim një tjetër moment historik siç ishin kualifikueset e “Euro 2016”.
Arbitër i këtij takimi do jetë Lukas Fahndrich, ndihmës të tij do jenë Stephane De Almeida dhe Marco Zurcher, ndërsa VAR do të mbikqyret nga Fedayi San dhe Lionel Tschudi./Gijotina.com
