Dy shqiptarë të moshës 19 dhe 28 vjeç, në Milano janë vënë në pranga nga policia italiane pasi akuzohen për trafik droge. Ata janë kapur me një shumë prej 800 mijë eurosh “cash”, që dyshohet se janë të fituara nga shitja e kokainës.
Policia kishte siguruar informacion se një apartament në Via della Cooperation në Rozzano, përdorej nga grupe shqiptare për trafik droge, ndaj kishte nën vëzhgim shqiptarët.Raportohet se se dy shqiptarët janë parë në orët e vona të mbrëmjes duke kryer lëvizje të dyshimta. Fillimisht dukej se ishin bashkë ndërsa më pas kanë ecur larg njëri tjetrit për 10 metra. Qëndrimi i dyshimit i tyre bëri që policia ti ndjekë. Pasi u larguan rreth 150 metra, të dy mbërritën në një parkim ku i priste një makinë.
Njëri nga dy të rinjtë e arrestuar iu afrua makinës, mori paratë nga shoferi I makinës, i futi nën xhaketë dhe u kthye në pallatin nga ishte larguar. I riu tjetër, i cili mbante një çantë shpine mbi supe, qëndroi në parking edhe për 10 minuta, duke pritur dikë. Papritur një makinë e dytë erdhi në zonë nga e cila ka zbritur një person. Më pas, djali me çantë u fut në makinë dhe zbriti duke ikur tek ndërtesa nga kishte dalë.
Në atë moment policët e antidrogës vendosën të ndërhynin duke vënë nën kontroll të riun. Brenda çantës së shpinës kishte një sasi të madhe parash. Policia zhvilloi kontrolle edhe në banesën e dy shqiptarëve ku gjetën 800 mijë euro.
Discussion about this post