Chelsea festoi fitoren e Champions League me tifozët e tyre katër muaj pas ngritjes së trofeut.
Stamford Bridge u mbulua nga fishekzjarret, ndërsa ‘Blutë’ e Londrës filluan mbrojtjen e trofeut evropian në ndeshjen në shtëpi ndaj Zenit.
Skuadra e Thomas Tuchel mundi Manchester City 1-0 në Porto në maj për të marrë çmimin e parë të Champions League që nga viti 2012 falë golit të Kai Havertz në pjesën e parë.
Ndërsa fituan edhe Super Kupën e UEFA-s, pasi mundën Villarrealin me penallti, kështu që ata janë me të vërtetë mbretërit e Evropës për momentin.
Pak momente para ndeshjes me kundërshtarët e Zenit- tit, të cilën ‘Blutë’ e Londrës e fituan 1-0 falë golit të Romelu Lukaku, presidenti i UEFA-s Aleksander Ceferin dha tre çmime. Tuchel mori trofeun e trajnerit më të mirë të sezonit për 2020-2021, Edouard Mendy mori çmimin e portierit më të mirë dhe Jorginho u zgjodh lojtari vitit.
Atmosfera e krijuar u dha tifozëve të Chelsea shansin të shijonin edhe një herë me suksesin e ekipit të tyre./Gijotina.com
