Policia e Lezhës ka vënë në pranga një 33- vjeçar pasi akuzohet për dhënie ndihme kundrejt fitimit emigrantëve të paligjshëm.
Blutë bëjnë me dije se i arrestuari është identifikuar me iniciale I.N. Ndërsa thekson se I riu është kapur në aksin Milot-Morinë, në Skuraj, Kurbin, duke transportuar me automjetin furgon tip “Benz”, 12 emigrantë të paligjshëm, të cilëve iu kishin premtuar kalimin drejt vendeve të BE-së, kundrejt pagesës.
Kujtojmë se më herët po nga policia e Lezhës është brë arrestimi I Ertjan Pjetërgjokaj 31-vjeç pasi është kapur duke transportuar 8 emigrantë të paligjshëm drejt vendeve të BE-së, kundrejt pagesës.
Gjithashtu, është shpallur në kërkim nga policia 18-vjeçar F.D., që kishte marrë me qira mjetin me të cilin po transportoheshin emigrantët e paligjshëm.
Theksojmë se transporti i emigrantëve të paligjshëm është kthyer në një fenomen pasi vetëm këtë muaj janë konstatuar mbi 20 raste.
