Këngëtarja e njohur shqiptare, Fjolla Morina, ka tash e sa kohë merr vëmendjen e mediave me videot që publikon në rrjetet sociale. Shpesh herë ajo ka shfaqur një gjendje të shqetësuar emocionale para fansave të saj, duke bërë denoncime nga më të ndryshme në platformat e transmetimit live.
Një gjë të tillë, Fjolla e ka bërë edhe në videot e fundit që ka publikuar në Instagram, ku ka hedhur akuza ndaj një personi me inicialet D.K.
Por ajo nuk ndalet me kaq, ngase interpretuesja e hitit “Trileqe” gjatë denoncimit të saj, akuzon personin në fjalë se është i përfshirë në krim të organizuar me politikanë të njohur shqiptarë.
“T’kallzoj unë qysh bën ti në emër të Edi Ramës organizime të krimit edhe dy në emër të Ramush Haradinajnt. Kam me i shku edhe Ramushit aty edhe asaj gruas së vet edhe do t’i pyes se çfarë kanë të bëjnë ata me ty që me fitu çina [merita] te ta dhe te Edi Rama. Kam me ta kallzu qejfin ti në krah Edi Ramës ti qysh i merr në qaf njerëzit”, dëgjohet duke thënë Fjolla në video.
Ajo më pas ka publikuar edhe video të tjera ku nuk e ka kursyer fjalorin e pisët ndaj personave të cilëve po iu drejtohet.
Këngëtarja e cila në video shfaqet tejet e nervozuar thotë se është njohur nga afër (sipas saj) me krimin që ajo akuzon se këta persona kanë kryer, dhe që lidhet edhe me arrestimin e saj në Kukës.
Discussion about this post