Fjoralba Ponari është kthyer në një nga moderatoret më të dashura për publikun shqiptar. Bukuroshja e cila sapo ka mbyllur një sezon të suksesshëm nën drejtimin e Portokalli, ka zbuluar se rrugëtimi për të realizuar ëndrrat e saj nuk ka qenë aspak i lehtë, ku i është dashur të përballet me një sërë peripecish.
Së fundmi, Fjoralba ka treguar se kur ka qenë fëmijë është paragjykuar për faktin se është nga veriu i Shqipërisë. Teksa tregoi se është bullizuar nga një mësuese e saj për origjinën, ajo përcolli dhe një mesazh të rëndësishëm.
“Për fat të keq, po! Kam kujtime jo te mira, sidomos nga 9 vjecarja, & në mënyrë të veçantë nga mësuesja e kimisë, e cila fëmijët veriorë (ku bëja pjesë dhe unë) i ofendonte dhe i trajtonte me një përbuzje çnjerëzore.”, përgjigjet moderatorja në një ask në Instagram.
Madje mend, kur mamaja ime erdhi që të ballafaqohej me të për qëndrimin që kishte ndaj meje…përgjigjen e saj (pasi e kuptoi që ime më nuk ishte veriore) e kam të skalitur në kujtesë që shprehimisht i tha:
“Po ti duhej të më thoje, që është gjysëm MALOKE (jo malësore) vajza se e zgjidhim ndryshe. Megjithatë injoranca dhe përbuzja, jo e saj por e askujt, nuk më pa penguar kurrë që të luftoj drejt së ardhmes time dhe të njëjtën gjë duhet të bëjë dhe vajza jote”, ka shkruar ajo.
