Zjarri në malin e Çikës në Vlorë vijon të jetë aktiv prej disa ditësh. Forcat zjarrfikëse e kanë të pamundur të ndërhyjnë për shkak të terrenit të vështirë.
Bëhet me dije se sot pritet të rifillojnë operimin dy avionët “Canadair” për shuarjen e zjarrit. Flakët kanë vijuar në mënyrë intensive dhe gjatë natës, duke e bërë të domosdoshme ndërhyrjen nga ajri.
Ndërkohë që një vatër tjetër zjarri është evidentuar në fshatin e Paqes, në Tarabosh të Shkodrës, ku është djegur një sipërfaqe me shkurre e ferra rreth 800 metra katrorë.
Falë ndërhyrjes së forcave zjarrfikëse flakët kanë mundur të neutralizohen. Dyshohet se kemi të bëjmë me një zjarrvënie të qëllimshme ndërkohë që hetimet vijojnë ende.
Discussion about this post