Temperaturat e larta në vend kanë krijuar terren për përhapjen e vatrave të zjarrit në shumë zona të Shqipërisë. Pas Lezhës, zjarret janë “zhvendosur” në Elbasan ku kanë filluar të djegin dhe sipërfaqe të konsiderueshme pyjore.
Mësohet se një vatër zjarri është shfaqur sot rreth orës 19:20 në Kodër-Krastë. Zjarri në pak minuta është përhapur në një sipërfaqe të konsiderueshme dhe dyshohet i qëllimshëm.Terreni i thyer kodrinor vështirëson punën e zjarrfikësve për të ndërhyrë në të gjithë zonën e përfshirë nga flakēt.
Gjatë viteve të fundit, Kodër Krasta është përfshirë nga disa zjarre, duke pësuar dëmtime të mëdha. Kodër-Krasta konsiderohet si mushkëria e Elbasanit pasi është parku më i madh me pisha pranë qytetit të Elbasanit.
Discussion about this post