Në puntatën e djeshme të emisionit “Më lër të flas”, ishin të ftuar disa prej aktorëve të “Në kuadër të dashurisë”.
Të ftuarit zbuluan një detaj shumë të bukur, pasi thanë se po përgatitet një dokumentar me momente shumë pikante nga sheshxhirimi i komedisë romantike.
Binjakët Romeo dhe Donald Veshaj, pyetën aktorin e mirënjohur Luan Jaha në lidhje me këngëtarin e dashur për publikun, Luiz Ejlli, që në film luan rolin e Besit.
“Nuk e kam njohur më herët. Është super i talentuar. Ai vinte nga koncertet, e lexonte një herë skenarin dhe na udhëzonte neve çfarë të bënim. Fantastik. Më ka bërë shumë përshtypje”, tha Jaha.
Ndërsa raportin mes dy protagonistëve, Olta Gixhari dhe Luiz Ejlli, që në film janë burrë e grua, si Jonida dhe Besi, aktori i cilësoi si “macja me miun”.
“Si vëlla e motër. Si macja me miun. Tërë kohës kishin zënka, por shkëndija të bukura, të lezetshme”, tha aktori i mirënjohur.
Ndërkohë Sara Hoxha shtoi: “Ishte edhe pak gjendja që duhej të krijonin para se të bënin një skenë të caktuar, krijonin pak gjendje me njëri-tjetrin, pastaj e qanin atë skenë”.
Discussion about this post