Moderatorja, Bora Zemani, e njohur tashmë për historinë e saj të dashurisë me aktorin Donald Veshaj, ka qenë këtë të shtunë në emisionin “Më Thuaj Një Dëshirë”, për të realizuar dëshirën e një fansit të saj të spektrit autik, i cili e adhuron dhe dëshiron që një ditë të bëhet gazetar.
Gjatë rrugës për në Fushë Krujë, Bora dhe gazetarja e emisionit, Fjoralba, kanë bërë një bisedë të gjatë, ku mes të gjithave Fjori e ka pyetur nëse Bora është e guximshme në dashuri.
“Jam shumë e guximshme, kur dua, dua shumë por tërhiqem kur personi përballë më merr për të mirëqenë”- ka thënë Bora.
Më tej ajo është shprehur se djali i saj është shumë xheloz dhe kur zgjedh një person, Bora mendon shumë edhe nëse kjo zgjedhje do ti pëlqejë edhe Arborit.
Askush nuk mund të harrojë momentin më romantik që ndodhi brenda shtëpisë së “Big Brother VIP”, për të cilën reagoi një Shqipëri e tërë, puthja mes Donald Veshaj dhe Bora Zemanit.
Dyshja kishte disa muaj që i kishte dhënë fund lidhjes së tyre, por pas hyrjes së Borës në shtëpi për të surprizuar shoqen e saj të ngushtë, Semi Jaupaj, çdo gjë duket se rilindi mes tyre.
Discussion about this post