Plagosja në ish-bllok, ndalohet autori i dyshuar

Kridens Meçollari është shoqëruar nga policia dhe dyshohet se është autori i plagosjes së ndodhur në zonën e ish-bllokut.
Gjithashtu bëhet me dije se dhe një mjet tip “Benz Mercedes” është ndaluar nga uniformat blu, ku raportohet se është makina me të cilën po largoheshin autorët.

Aktualisht nuk dihet se sa persona janë përfshirë në këtë konflikt, por dyshohet se kanë qenë dy.

32-vjeçari Ilir Shkurti është plagosur me plumb në këmbë, ku tashmë ndodhet nën kujdesin e bluzave të bardha. Policia vijon hetimet në vendin e ngjarjes për të zbardhur shkaqet e plagosjes.

Më tej pritet të konfirmohet nëse ka qenë një konflikt banal që ka degjeneruar në përdorimin e pistoletës apo një atentat ndaj 32-vjeçarit.