Albana Osmani, në një koment në rrjetin social, duket se ka “ndezur” debatet te ndjekësit se thumbimet që përdor për stisje e brryla, i ka për ish-moderatoren e BB VIP, Arbana Osmanin.
Por këto mbeten thjesht aludime të ndjekësve, ndoshta duke pasur parasysh se mes Albanës dhe Arbanës nuk ka pasur “miqësi”, edhe pse dy moderatoret kanë ruajtur herë pas here kortezinë për raportet e tyre.
Po pse gjithë ky dyshim se mes tyre mund të jetë “aktivizuar” përplasja në distancë?
Sara Hoxha, përmes një postimi, i uron suksese bashkëshortit, Ledion Liços, nisjen e sezonit të tretë të “Big Brother VIP Albania”, ku Ledioni do të jetë moderatori, duke zëvendësuar kështu Arbana Osmanin.
Në postimin e Sara Hoxhës komenton Albana Osmani, e cila flet me superlativa për Ledionin, por edhe duke hedhur thumbime në distancë, për personazhe të tjerë, emrat e të cilëve nuk i përmend.
“Publiku e ka dashur që fëmijë Ledionin. [Ai] nuk u bë ai që është as me stisje, as me bërryla, as me stil si shumëkush që publiku as e ka idenë, se janë mësuar të shohin vetëm çfarë ‘shitet’ bukur shpeshherë. Ai është ndër më të mirët që ka pas dhe ka Shqipëria. Super profesionist! Do të jetë progres dhe shumë entertainment ta shohësh. Do jem duke duartrokitur për ju!”, shkruan Albana Osmani.
Duket se kaq ka mjaftuar që ndjekësit apo komentuesit të hedhin dyshime se thumbimet Albana i ka për Arbanën… Të presim dhe të shohim…
Discussion about this post