Festat e fundvitit shoqërohen dhe me fluks në pikat kufitare kudo në Shqipëri, kjo për shkak të kthimit të emigrantëve në vendlindje dhe kalimin e festave pranë familjeve të tyre. Sipas të dhënave zyrtare në 24 orët e fundit në një ndër pikat doganore me më shumë fluks, në Kapshticë, kanë kaluar 3311 shtetas të huaj dhe shqiptarë, duke rritur kështu numrin e kalimeve nga kjo pikë doganore, krahasuar me periudhat e tjera të vitit.
Ndërkohë vetëm në javën e fundit nga Kapshtica janë shënuar 20561 qytetarë, të cilët kanë zgjedhur që festat e fundvitit t’i kalojnë në Shqipëri.
Discussion about this post