Sezoni turistik dhe pushimet verore kanë shtuar fluksin e emigrantëve në Portin e Durrësit. Në port mëngjesin e sotëm kanë mbërritur 2 tragete të linjës Bari-Durrës, ndërsa pritet të mbërrijnë edhe trageti i linjës Ankona-Durrës.
Në orët e mbrëmjes pritet të vijnë edhe 2 tragete të tjerë nga Bari. Në funksion 28 sportele për të përballuar fluksin e udhëtarëve.
18 sportele për automjetet dhe 10 për udhëtarët.
Durrësi mbetet një nga portat hyrëse kryesore drejt vendit tonë. Referuar të dhënave nga autoriteti portual nëpërmjet qytet-portit vetëm në 5 ditët e fundit kanë hyrë në territorin e vendit tonë mbi 10 mijë qytetarë me më shumë se 2 mijë mjete.
Po sipas të njëjtave burime, shumë prej udhëtarë janë emigrantë të cilët jetojnë dhe punojnë jashtë vendit të cilët kanë zgjedhur që të kthehen në vendlindje për sezonin veror. Shumë prej pasagjerëve janë edhe turistë të huaj të cilët pushojnë në Shqipëri këtë verë, jo vetëm në Durrës, por edhe në qytete të tjera të vendit.
Ndërkohë numri i daljeve është më i ulët pasi gjatë periudhës 12-16 korrik kanë dalë nga porti i Durrësit drejt Italisë mbi 2 mijë udhëtarë.
Numri i udhëtarëve është më i lartë gjatë fundjavave ndërsa fluksi pritet të rritet në pjesën e mbetur të muajit korrik dhe në gusht.
gijotina.com/
Discussion about this post