400 milionë lekë do të shpenzojë kryetari i Bashkisë Berat, Ervin Demo, për të blerë asfalt. Gara për tenderin është mbyllur ditën e djeshme dhe fituese është firma SHKELQIMI 07, mjaft e njohur për vjedhjen e tenderëve. Në dokumente tregohet qartë se ky tender është bërë për vjedhjen e këtyre 400 milionë lekëve, jo se vërtetë do të investohen për asfalt. Gjithashtu dhe për të mbushur arkën e oligarkut Shkëlqim Kapllanaj, si një nga “ortakët” e kryebashkiakëve mavi edhe pse anon nga krahu i bluve në politikë.
Për këtë tender kanë paraqitur interes edhe 3 firma të tjera, që Demo i ka skualifikuar që në fazën e parë. Duke i lënë rrugën e hapur Shkëlqim Kapllanajt, vëllait të ish-deputetit Agron Kapllanaj. Edhe pse ishte një nga ofertat më të shtrenjta kompania e tij pa zhvilluar garë fare e mori tenderin.
Kështu, për të furnizuar me 1,420 ton asfalt Beratin, për gjashtë muajt e ardhshëm, Kapllanaj do të fus në xhep 400 milionë lekë. Ky tender përveçse është një kontratë e pastër elektorale, nënshkruhet edhe në shkelje të thellë të ligjit mes paradoksesh që asnjë kriter nuk i justifikon. Sepse 400 milionë lekë asfalt do ishte tepër edhe sikur Ervin Demo të rikonstruktonte çdo cep të qytetit.
Por, pa vënë re këto shuma, duke anashkaluar dhe abuzimet me ligjin, Agjencia e Prokurimit të Pronave e ka regjistruar normalisht këtë tender.
Ndërkohë Open Data Albania i jep “flamurin e kuq”, për shkak të riskut për manipulime dhe abuzime fondesh.
Sikur e kemi cituar më lartë firma SHKELQIMI 07 është e regjistruar në emër të Shkëlqim Kapllanajt, vëllait të ish-deputetit Agron Kapllanaj. Ndërsa të dhënat e publikuara mbi këtë firmë tregojnë se në të vërtetë pas saj qëndron vetë Agroni. Për këtë kompania ka përfituar shumë tenderë edhe gjatë kësaj kohe që na qeverisin socialistët, kundërshtarët politikë të Kapllanajt. Kjo kompani rezulton se gjatë këtyre viteve ka fituar edhe tenderë të tjerë në bashkitë e vendit. Plot 47 tenderë ka fituar gjatë këtyre 4 viteve, kompania e vëllait të ish-kryebashkiakut demokrat.
Ndërsa më herët, gjatë viteve 2015-2019 kjo kompani ka përfituar nga buxheti i shtetit plot 16 miliardë lekë. Epo kur vjen fjala te votat dhe tenderët, larg syve të publikut të mbajtët dhe të djathtët e gjejnë gjuhën e përbashkët. Ndërsa na lind pyetja në shkëmbim të sa votave ia ka falur Demo tenderin 400 mln lekë Kapllanajt? Përsëri është SPAK ai që duhet të ishte vënë në lëvizje dhe të kryente detyrën et tij.
Lexo edhe: Kapllanaj klienti i Ramës nga PD, Agolli e gostit me 2.2 miliard lekë të FSHZH-së
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016
Discussion about this post