Policia Rrugore ka zbarkuar mbrëmjen e djeshme në autostradën Tiranë-Durrës, me radarë, e makinën inteligjente.
Uniformat blu bëjnë me dije se janë konstatuar në rrugët e kryeqytetit dhe në rrugën interurbane Tiranë – Durrës – Tiranë, 447 raste të shpejtësisë mbi normat e lejuara.
Gjatë monitorimit në rrugët e brendshme të kryeqytetit, janë evidentuar 59 raste me shpejtësi nga 80 deri në 100 km/h, ku drejtuesit e mjeteve krahas masës administrative, do penalizohen edhe me pezullimit të lejes së drejtimit.
112 shoferë u kapën pasi përdornin celularin gjatë drejtimit të automjetit, 66 për mosvendosje të rripit të sigurimit dhe 71 për parakalime të gabuara.
Përgjatë ditës së sotme në të gjithë vendin janë vendosur 1121 masa administrative për shkelje që përbëjnë rrezik potencial për përfshirje në ngjarje rrugore.
Nga monitorimi me radarë dhe alkooltestues janë pezulluar edhe 45 leje drejtimi për shpejtësi dhe për drejtim mjeti nën efektin e alkoolit
