Ish-kryeministri, Sali Berisha, ditën e sotme do të ndalet në Lezhë në kuadër të “Foltores” dhe ashtu si e do zakoni tashmë gjatë rrugës për në qytetin e radhës qindra simpatizantë kanë dalë ta presin.
Gjithashtu në këtë “Foltore” pritet të jetë dhe një nga demokratët më të zjarrtë i cili ka ardhur nga Shtutgarti së bashku me familjen e tij enkas për këtë takim. Për mediat ai ka thënë se Berisha do të bëjë Besëlidhjen e re për bashkimin e Partisë Demokratike, duke shtuar se kjo është e nevojshme për largimin e klikës komuniste.
“Berisha do vijë sot në vendin e kastriotëve për të shpalosur platformën e re të së djathtës shqiptare, por gjithashtu për të bërë besëlidhje të re për të djathtën shqiptare, për ta futur PD në shinat e demokracisë por edhe për të larguar këtë klikë komuniste. Vij nga Shtutgarti. Kam ardhur me gjithë familjen për këtë takim” – tha ai.
gijotina.com/
