Fondacioni për Luizin, ja sa para janë mbledhur. Kush është donacioni më i madh

Luiz Ejlli vazhdon të jetë kryefjala e këtij edicioni të Big Brother VIP Albania.

Ai është shquar si senzacioni i shtëpisë më të famshme në Shqipëri, duke u kthyer në vetëm pak kohë në personazhin më të kërkuar në rrjetet sociale.

Duke qenë se ka fansa të shumtë që duan që ai ta fitojë edicionin e dytë të BBVA, së fundmi është hapur edhe një fondacion online.

Në platformën GoFundMe ekziston tashmë një fondacion i hapur nga e ëma e tij, Angjelina dhe motra e tij, Ina.

“Përshëndetje të gjithë fansave të zjarrtë të Luizit! Pas shumë kërkesave për të treguar mbështetjen tuaj duke i dërguar dhurata në mënyrë transparente Luizit, kemi hapur një llogari GoFundMe. Ky GoFundMe menaxhohet nga nëna e Luizit (Angjelina) dhe motra e tij (Ina). Ju falënderojmë nga zemra për mbështetjen”, thuhet në përshkrimin zyrtar të fondacionit.

Deri tani janë mbledhur 9530 dollarë, ndërsa fondacionin më të madh e ka dhënë Fabjan Dodaj me 5000 dollarë të dhuruara.

Deri tashmë, kanë dhënë kontribut në fondacion 96 persona. Në këtë fondacion, synohet që në finale të arrihet të mblidhen 250 mijë dollarë.