Në përfundim të intervistës dhënë për rrjetin Mediaset, pas ndeshjes që Real Madrid zhvilloi kundër Manchester City, për gjysmëfinalet e Champions League, që u mbyll në barazim 1-1, Carlo Ancelotti bëri një parashikim edhe për sfidën tjetër gjysmëfinale, atë që do të luhet sonte në mbrëmje mes Milanit dhe Interit.
Ish-trajneri kuqezi, edhe pse aktualisht në stolin e Realit e mori me shumë sportivitet, madje nuk u fsheh pas ndjenjave duke e pranuar që i dashuron ngjyrat kuqezi
“Derbi? Forca Milan! Do të jetë një gjysmëfinale e bukur dhe mendja ime shkon te viti 2003 që ishte një gjysmëfinale shumë e vuajtur. Është shumë bukur kur rikthehen në Europë me një derbi. Me gjithë respektin për Interin, nuk mund të mos them forca Milan. Shpresoj të rishihemi në Stamboll”, tha ai
Discussion about this post