Forcat e ushtrisë kanë dalë në terren në zonat e prekura nga përmbytjet e shkaktuara nga dalja nga shtratit të Lumit Vjosa, në Fier. Mësohet se 30 forca të ushtrisë po iu vijnë në ndihmë punonjësve të Emergjencave Civile të cilët po punojnë në terrenin e vështirë nga përmbytjet e reshjeve të vazhdueshme.
Kreu i Shtabit të Emergjencave, Haki Çako ka urdhëruar zbarkimin e dy varkave në këtë zonë, teksa në urën e dëmtuar të fshatit Qarr po punohet me mjete të rënda për riparimin e saj.
Prurjet e shumta gjatë natës së mbrëmshme kanë sjellë përkeqësim të situarës në zonat që përshkrohen nga Lumi i Vjosës, teksa raportohet se diga në Urën e Mifolit është çarë duke depërtuar në pjesën e poshtme. Disa zona janë izoluar, ndërsa shumë familje janë përmbytur.
Discussion about this post