Një familje në zonën e Novoselës, banesa e të cilëve është përmbytur nga dalje e Lumit të Vjosës nga shtrati, janë ngjitur sipër çatisë së shtëpisë, së bashku me bagëtitë e tyre për të shpëtuar nga situata e vështirë në të cilën ndodheshin nga uji që kishte pushtuar shtëpinë e tyre. Burri dhe gruaja janë shpëtuar nga një gomone, e cila ka shkuar drejt tyre, teksa shtëpia dhe zona përreth është e gjitha nën “pushtetin” e shiut. Burri i moshuar, i cili u ngjit në çatinë e shtëpisë ka dhënë një deklaratë për mediat ku shfaqet me zë të ngjirur. Ai është shprehur se i janë shkaktuar shumë dëme materiale dhe në bagëti, teksa thekson se nuk janë lajmëruar mbi një përmbytje të mundshme.
“Kush do na lajmëronte. Kam pësuar shumë dëme. Ju lutem shumë. Nusja ka qenë deri në gju me ujë. Kemi pësuar dëme në bagëti. Nuk kam ça të them. Faleminderit që më shpëtuat.”
Lumi i Vjosës ka përmbytur zona të ndryshme në Vlorë dhe Fier, teksa banorët shprehen se ndihen të rrezikuar nga përmbytja që mund të përfshijë banesat dhe bagëtitë e tyre. Ndërkohë janë evakuuar 11 familje.
Discussion about this post