Foshnja e braktisur në garazhdin e pallatit, zbulohen detaje të reja

Të tjera detaje janë zbuluar nga ngjarja e rëndë e regjistruar sot në Tiranë ku në garazhdet e një pallati u gjet një foshnje e porsalindur.

E ndërsa foshnja ndodhet në intubim në maternitetin “Koço Gliozheni”, policia vijojn hetimet lidhur me ngjarjen.

Nga të dhënat e fundit raportohet se foshnja ka lindur në një divan, në garazhdin ku edhe u gjet, më pas nga një banor i zonës duke qarë. Nga momenti i lindjes deri ne gjetjen e foshnjes mendohet se kanë kaluar më pak se 24 orë.

Kamerat e sigurisë kanë mundur të fiksojnë një grua, e cila dyshohet se është nëna e foshnjes së braktisur.

Gjithsesi burimet policore tregohen të rezervuara lidhur me identitetin e nënës së foshnjes, ndërsa kanë nisur verifikimet.

Foshnja u gjet duke qarë nga një banor i pallatit, i cili më pas njoftoi policinë. Foshnja u transportua drejt spitalit Koço Gliozheni për tiu nënshtruar analizave, ndërsa pak orë më pas u raportua se gjendja e saj shëndetësore ishte përkeqësuar dhe ajo ishte vendosur në intubim.