Një foshnjë e porsalindur në Pejë ka rezultuar pozitive me koronavirus. Lajmi është bërë i ditur nga kryeinfermierja e këtij spitali, ndërsa shprehet se gjendja shëndetësore e fëmijës është e mirë.
“Kemi pranuar një foshnje, që së bashku me nënën lehonë ishin të infektuar dhe pas kontrollit janë lërguar në shtëpi, pasi ishin në gjendje të qëndrueshme shëndetësore. Ka pasur edhe një rast, kur një nënë shtatzënë, e infektuar me Covid-19, ka sjellë në jetë fëmijën, që ka rezultuar pozitiv me koronavirus. Por, të dy si nëna, ashtu edhe fëmija janë në gjendje të mirë shëndetësore”, ka deklaruar kryeinfermierja e spitalit, Hidajete Krasniqi.
Sipas mediave fqinje, situata me Covid-19 në Pejë është lehtësuar, ndërsa lajmi i mirë është se ka rënë numri i viktimave, pasi dje raportohej vetëm një humbje jete si pasojë e pandemisë.
