FOTO/ Aksidenti me 8 të vdekur në Këlcyrë, makina e shtypur totalisht

Pamjet që shihni tregojnë automjetin që u përfshi në një aksident të rëndë mëngjesin e sotëm në aksin Këlcyrë-Përmet.

Ngjarja ndodhi rreth orës 04:00, në aksin rrugor Këlcyrë-Përmet në afërsi të fshatit Kuqar.

Pasi mjeti humbi kontrollin dhe përfundoi në lumin Vjosë, 7 pasagjerë, që dyshohet se ishin emigrantë klandestinë, dhe shoferi kanë humbur jetën.

Siç shihet nga pamjet ajo çka ka mbetur nga makina është një grumbull inertesh, pasi mjeti është shkatërruar totalisht nga përplasja që ka rezultuar fatale për personat që udhëtonin në të.

Automjeti dyshohet se ka marrë emigrantë të paligjshëm nga Çarshova.

Policia ndodhet në vendin e ngjarjes, ndërsa po heton për zbardhjen e shkaqeve.

Lexo edhe: Aksidenti në Këlcyrë, drejtori i Policisë jep detaje