Partia Demokratike përveç se me dy grupime tashmë është edhe me dy seli të ndryshme. Në foton e mësipërme shihet se grupimi i Enkelejd Alibeajt kanë marrë ambiente të reja për të vendosur zyrat e tyre.
Ky vendim duket se ka ardhur pasi Apeli ka rikthyer çështjen për rigjykim në shkallë të parë. Po ashtu siç shihet dhe në foto në hyrje është vendosur dhe logoja dhe emri i Partisë Demokratike.
Logoja e PD-së është vendosur në hyrje, aty ku ka qenë emri i një banke të huaj, por ende nuk dihet sesa paguhet për qeranë e vendit, pasi edhe dje Gazment Bardhi refuzoi që ta jepte një shifër konkrete gjatë një interviste. Megjithatë shtoi se e gjitha do të pasqyrohej sipas ligjit.
Vendimi për një seli të re, ndryshe nga ajo që kanë përdorur dekadat e fundit, vjen pasi KAS regjistroi grupimin e Alibeajt në zgjedhjet e 14 majit, duke pranuar kryetarin e komanduar Enklejd Alibeaj, ndërsa PD-ja e Berishës do të futet në zgjedhje me koalicionin “Bashkë Fitojmë”, por jo me logon e PD.
Pas vendimit që u mor në KAS, Alibeaj, Bardhi dhe të tjerë kanë kërkuar që demokratët të dalin seë bashku me një kandidat, por deri më tani nga kryedemokrati Sali Berisha dhe tijët kanë marrë vetëm kundërshtim.
Discussion about this post