Emisioni “Zonë e Lirë” ka publikuar një foto ekskluzive ku shfaqet kryebashkiaku i Tiranës Erion Veliaj në festën e grekëve të Amerikës.
Foto është bërë ditën kur bëhej inaugurimi i Donald Trump-it si President i SHBA-ve.
Mësohet se bëhet fjalë për një event të mbajtur në Uashington.
Duke komentuar këtë ngjarje, kreu i LZHK-së Dashamir Shehi mendon që “Veliaj ka shkuar në Uashington për të gjetur një lidhje me administratën e re Trump“.
Sipas gazetarit Sebastian Zonja, kjo foto ku Veliaj shkon në këtë ceremoni të lobimit grek, “tregon një hipokrizi të kryebashkiakut, pasi po tenton të përdorë linjat e Greqisë për të rregulluar problemet e tij me SPAK-ut”.
Kujtojmë që në fund të dhjetorit SPAK bëri me dije se për Veliajn dhe familjarët e tij ka një hetim për katër vepra penale: Korrupsion pasiv, aktiv, pastrim të produkteve penale dhe mosdeklarim apo fshehje pasurie.
Discussion about this post