Federata Shqiptare e Futbollit ka reaguar sërish në lidhje me akuzat e ‘Panorama Sport’ për transferim të pagesave të klubit të Tiranës në llogari jo zyrtare.
Në një njoftim për mediat FSHF ka nxjerrë dokumuentet që vërtetojnë se çdo transfertë e bërë ndaj Tiranës është proceduar në llogarinë zyrtare.
“Federata Shqiptare e Futbollit, e akuzuar prej ditësh se ka bërë pagesa anti-ligjore dhe jo në llogaritë zyrtare të KF Tirana, dëshiron të informojë opinionin publik dhe anëtarët e saj se këto akuza rrëzohen nga dokumentet e mëposhtme.
Transaksionet e parave të mbërritura nga UEFA për klubin KF Tirana në 6 tetor 2020, janë kaluar në llogaritë zyrtare të klubit në ABI Bank dhe Union Bank, llogari të cilat dhe aktualisht që po ju dërgojmë këtë komunikim publik, janë të lira dhe kanë kryer pagesa.
FSHF ka qenë dhe mbetet e hapur për të bërë transparencë për ҫdo pretendim të individëve, mediave dhe anëtarëve të saj.”-shkruhet në njoftimin e FSHF-së./K.T/Gijotina.com
Discussion about this post