Mediat kosovare kanë publikuar pjesë nga armatimi i sekuestruar në Manastirin e Banjskës nga Policia e Kosovës.
Sulmi i djeshëm ka ndodhur në fshatin Banjska të komunës së Leposaviqit, njoftoi kryeministri i Kosovës, Albin Kurti, përmes një postimi në facebook.
Përleshja e armatosur ndodhi në fshatin Bansjka të komunës së Leposaviqit, ku grupi i armatosur u vendos brenda një manastiri të fshatit, i cili më vonë gjatë ditës u vu nën kontrollin e policisë.
Policia e Kosovës intervistoi dhjetëra pelegrinë që ndodheshin në manastir.
Vetë Kisha Ortodokse serbe, nga Dioqeza e Rashkës-Prizrenit, tha gjatë kohës që ndodhte përleshja, se është “e shqetësuar për shkak se një grup personash të armatosur, të maskuar kanë hyrë në manastirin e Banjskës me automjet të blinduar, duke thyer portën e mbyllur të manastirit”.
Discussion about this post