Personi që po shikoni në foto është 37-vjeçari turk, Caner Galan, i cili dyshohet se ka plagosur me thikë tre policë në Kosovë.
Fotoja e tij është publikuar nga Gazeta Sinjali, e cila raportoi më herët dhe lajmin për plagosjen e efektivëve.
Raportohet se Galan ishte nën ndikim të substancave narkotike dhe për pasojë ishte konfliktuar me familjen e tij.
Zyrtarët policorë kanë shkuar në vendin e ngjarjes pas kërkesës për ndihmë nga familjarët.
Por, sapo shkuan në banesë, efektivët u përballën me 37-vjeçarin që i sulmoi me thikë. Tre policët e lënduar janë dërguar në spital për ndihmë mjekësore. Njëri prej tyre është në gjendje të rëndë.
Discussion about this post