Egnatia do të përballet sot në orën 17:00 me Partizanin në një sfidë miqësore, si një provë përpara fillimit të sezonit të ri të Superligës.
Megjithatë kjo ndeshje do jetë shumë e veçantë për skuadrën nga Rrogozhina, pasi do të inagurojë stadiumin e ri. Disa muaj më parë ambienti sportiv i Egnatias iu nënshtrua një rikonstruksioni të plotë, ndërsa ka përfunduar edhe tribuna kryesore dhe dhomat e zhveshjes dhe ka mbetur vetëm inaugurimi, që do realizohet ditën e sotme.
Në një postim në faqen zyrtare të klubit në rrjetet sociale janë bërë publike edhe pamjet nga ambientet e ndryshe të stadiumit. Po ditën e sotme do të testohet edhe sistemi VAR që është vendosur të jetë pjesë e Superligës dhe Kategorisë së Parë nisur nga ky sezon që starton së shpejti./Gijotina.com
