Jose Mourinho nuk ndalet në deklaratat dhe gjestet që bën në çdo moment dhe në çdo vend, pa u vetë censuruar në asnjë moment.
Teksa po zhvillohej ndeshja midis Juventusit dhe Romës në mbrëmjen e së dielës në ‘Allianz Stadium’, ‘Special One’ ka bërë një gjest që tifozëve të ‘Zonjës së Vjetër’ duhet t’u ketë dhembur shumë.
Teksa ndeshja e dominuar e gjitha nga Roma u fitua ‘pa meritë’ nga Juventus me rezultatin 1-0, virale është bërë veprimi i teknikut portugez.
Në fund të këtij takimi Mourinho ngriti tre gishta, duke ia kujtuar mbështetësve të ‘Bardhezinjve’ ‘tripletën’ e fituar me Interin.
Veprim të cilin e kishte bërë ndaj tyre edhe në kohën kur ishte në krye të stolit të Manchester United dhe skuadra e tij përballej me Juventus në kuadër të Champions League.
Teksa ka folur për DAZN duke shpjeguar gjestin e tij kundrejt tifozëve bardhezi pas ndeshjes portugezi tha: “Natyrisht tifozët e Juventusit nuk janë të dashuruar me mua. Momenti më i vështirë për ta ishte kur fitova tripletën me Interin. Gjithsesi me lojtarët, stafin teknik dhe drejtuesit ka respekt reciprok”.
Ky moment është komentuar shumë në rrjetet sociale dhe ka krijuar inat të madh të tifozëve të ‘Zonjës së Vjetër’ ndaj Mourinhos./K.T/Gijotina.com
