Katari i është shtuar për herë të parë pistave ku do të zhvillohen garat e Formula 1. Ky ndryshim është bërë publik ditën e sotme, ndërsa bëhet me dije se gara në Losail të Katarit do të zhvillohet më 21 nëntor, duke hequr kështu pistën e Melburn, Australi.
Ky lajm është bërë publik nga faqja zyrtare e Formula 1 në një postim në ‘Twitter’, ku theksohet gara e Melburn ishte shtyrë nga marsi në nëntor, teksa tashmë është fshirë si mundësi.
Ndërsa pista e Katarit është përdorur më parë për garat e MotoGP dhe kjo do të jetë hera e parë që do të shohim F1 të konkurrojë atje.
Pra tashmë Formula 1 do të ketë tre gara radhazi në Lindjen e Mesme, Katari më 21 nëntor, Jedda më 5 dhjetor dhe Abu Dhabi më 12 dhjetor, gara e cila do të mbyllë edhe botërorin.
Ndërsa në marrëveshjen e arritur midis F1 dhe Katarit është vendosur që kjo pistë do të jetë pjesë e garave për 10 vite, duke nisur nga 2023-shi./K.T/Gijotina.com
