“Brazili kampioni botëror i budallenjve”, është titulli kryesor i gazetës argjentinase ‘Ole’, e cila i referohet skandalit të ndeshjes kualifikuese të Botërorit midis dy vendeve.
Takimi u ndërpre në minutën e 6 të lojës, pasi autoritetet shëndetësore braziliane pretendonin, që katër futbollistë argjentinas kishin thyer rregullat anti-Covid.
Ata po hetohen nga policia federale braziliane për gënjeshtra në deklarimet e tyre, raporton “GloboNews”, sipas së cilës, ka nisur hetimi kundër Emiliano Martinez, Emiliano Buendia, Cristian Romero dhe Giovani Lo Celso.
Ndërkohë sipas “Daily Mail”, Tottenham nuk i ka dhënë leje Romeros dhe Lo Celsos, dy nga lojtarët që shkelën rregullat anti-Covid për të hyrë në Brazil, për t’u bashkuar me ekipin kombëtar të Argjentinës.
Kjo do të bëjë që dy lojtarët të gjobiten pas kthimit në Angli, ndërsa Emiliano Martinez, Emiliano Buendia të Aston Villas, janë larguar nga Argjentina, për të ndaluar fillimisht në Kroaci para se të fluturojnë për në Angli./Gijotina.com
