Olta Gixhari dhe Luiz Ejlli në shtëpinë e Big Brother Vip plotësonin njëri-tjetrin si dy anë të kundërta të medaljes. Përplasjet e tyre të ashpra dhe raporti dashuri-urrejtje i dhanë jetë spektaklit dhe ndanë shqiptarët në dy grupe.
Pas përfundimit të këtij show dyshja u panë të afërt me njëri-tjetrin jashtë shtëpisë, por kjo “shoqëri” duket se zgjati shumë pak kohë.
Raporti miqësor midis aktores dhe këngëtarit shkodran është krisur shpejt, e në përmirësimin e tij nuk ka mjaftuar as koha e kaluar bashkë në xhirimet e filmit të titulluar “Në kuadër të dashurisë”.
Së fundmi ka qenë vetë Olta që i ka dhënë përgjigje pyetjes që mundon fansat lidhur me raportin e saj me Luizin.
Gjatë një loje pyetje-përgjigje në Instastory, aktorja u përball me pyetjen: “A ke miqësi me Luizin?”.
“Jo”, ka qenë përgjigja e shkurtër e Oltës duke mos dhënë asnjë arsye më shumë.
Discussion about this post