Nuk kanë kaluar 24 orë nga atentati me armë zjarri në Shkodër ku viktimë mbeti 58- vjeçari Sokol Çelaj. Gijotina. Com ka siguruar sot pamjet nga vendi i ngjarjes, ku ekspertët e hetimit do të jenë në gatishmëri për të mbledhur provat e ngelura pas krimit.
Nga hetimet në vend e ngjarjes, mësohet se drejt biznesmenit është qëlluar me 8 plumba, njëri nga të cilat e ka kapur poshtë shpatullës së majtë dhe i ka shkaktuar edhe vdekjen.
Theksojmë sërish se dëshmitare e kësaj ngjarje të rëndë ka qenë edhe bashkëshortja e cila ndodhej po ashtu në mjetin tip BENZ ML, ndërsa dyshohet se një person ka qëlluar drejt tyre me breshëri kallashnikovi.
Bashkëshortja e viktimës ka shpëtuar mrekullisht nga plumbat ndërsa, biznesmeni Çelaj mbeti i vdekur në vend. Ende nuk ka një pistë hetimi nga ana e policisë, ndërsa në fokus do të jetë e shkuara e viktimës, nëse ky i fundit rezulton i pastër për drejtësinë apo është përfshirë në veprimtari kriminale.
