Vetëm pak ditë pas ngjarjes së rëndë ku një aksident automobilistik i mori jetën reperit të famshëm grek, Mad Clip. Sipas mediave greke, shoferët që kaluan atë natë nga Liqeni Vouliagmeni në Athena Avenue ku përfundoi Porsche e zezë, kanë raportuar se rruga kishte ujë në tre vende të ndryshme.
Babai i 34-vjeçarit ka dëshmuar se makina sportive e të birit kishte goma Semi Slick që janë krijuar posaçërisht për pistat e garave. Gomat kur janë në kontakt me ujin ftohen dhe për disa sekonda derisa të nxehen nuk funksionojnë.
Nëse vërtet kishte ujë në rrugë dhe Porsche kishte goma të veçanta, mjeti mund të mos ketë pasur tërheqjen e duhur në rrugë.
