Aktorja, Penelope Cruz kaloi në tapetin e kuq të martën në premierën e filmit të saj të ri ‘Ferrari në Los Angeles’. Aktorja spanjolle, e cila luan bashkëshorten e themeluesit të prodhuesit të makinave, ka treguar dashurinë e saj për printet me lule gjatë gjithë turneut të shumëpritur të filmit. E kemi parë si në Festivalin e Filmit në New York ashtu edhe në premierën në Londër, me variacione të bukura të modelit klasik.
Paraqitja e saj në “qytetin e engjëjve” nuk ishte përjashtim, pasi aktorja 49-vjeçare zgjodhi një fustan të zi të gjatë nga koleksioni i Chanel Haute Couture Pranverë 2023, i mbushur me modele lulesh shumëngjyrëshe. Ajo e bashkoi atë me platforma të larta të zeza dhe bizhuteritë e saj përbëheshin nga unaza ari dhe vathë diamanti, si dhe një byzylyk ari. Grimi i saj ishte i freskët me theks tek sytë dhe një buzëkuq nudo, ndërsa për manikyrin zgjodhi nuancën më klasike, të kuqe.
Shikoni foton
Discussion about this post