Trajneri i Manchester City-t, Pep Guardiola është fotografuar ditën e sotme duke biseduar me yllin e Bayern Munich, Robert Lewandowskin nga grumbullimi i Polonisë përpara ndeshjeve kualifikuese të nëntorit për Botërorin ‘Katar 2021’.
Prania e teknikut spanjoll aty i ka habitur të gjithë dhe ka bërë që të nisin shumë zëra, megjithatë pistat për çfarë mund të ndodhë janë dy.
E para është bindja e yllit polak që të bashkohet sa më shpejt që të jetë e mundur me Manchester City-n, duke qenë se 33-vjeçari e ka shprehur se dëshiron të largohet nga Bundesliga e si rrjedhojë edhe nga Bayern Munich.
Megjithatë kontrata e tij me bavarezët zgjat deri në qershor të 2023-shit dhe nuk dihet nëse klubi gjerman do pranojë ta shesë yllin e tyre, apo do tentojë ta bindë që të rinovojë kontratën.
Ndërsa mundësia e dytë është marrja e drejtimit të stolit të Polonisë nga Guardiola. Megjithatë edhe kjo duket disi e pamundur për momentin, për faktin se tekniku është shprehur se dëshiron të marrë drejtimin e një ekipi kombëtar, por kjo vetëm pasi të ketë përfunduar kontratën me Manchester City-n, e cila skadon në verën e 2023-shit./K.T/Gijotina.com
Discussion about this post