Del fotoja e 18-vjeçarit që humbi jetën në mënyrë tragjike në një aksident, ditën e djeshme në Greqi. Sipas mediave të vendit fqinj, 18-vjeçari po bënte gara me makinë bashkë me mikun e tij 20-vjeçar. I riu humbi kontrollin e mjetit, doli nga rruga, e u përplas me një pemë. Përplasja fatale i mori jetën të riut grek. Ndërkohë mësohet se i riu nuk kishte leje drejtimi e as nuk kishte vendosur rripin e sigurimit.
Ndërkohë tronditëse janë detajet e reja që kanë zbuluar mediet greke rreth jetës private të të riut.
I riu sapo kishte mbaruara gjimnazin, ndërsa dje për ironi të fatit ishte në pritje të daljes së rezultateve të provimeve të maturës. Por gjithçka u përmbys në orët e para të së mërkurës, kur 18-vjeçari Panajotis dha frymën e fundit vetëm pak metra larg shtëpisë së tij në Chalandri .
“Kjo që ndodhi, ishte një dramë, Panajotis ishte djalë i vetëm . Kishte mbaruar gjimnazin dhe po priste rezultatet e provimeve të maturës. Ai donte të ndiqte hapat e të atit, ekonominë. Panajotit i pëlqenin makinat, i pëlqenin motoçikletat. Djalë shumë i mirë. I qetë dhe i sjellshëm”, tha daja i tij duke folur paraditen e së mërkurës për Mega.
Discussion about this post