Edhe pse qytetarët e Shijakut kanë ngritur disa herë zërin për situatën e mbetjeve që prej muajsh qëndrojnë plote nëpër kazanë e nuk pastrohen nga bashkia, kjo e fundit vazhdon ta neglizhojë këtë problematikë. Në pamjet e siguruar nga Gijotina.com shihet sesi plehrat janë mbledhur grumbull dhe madje kanë dalë jashtë trotuarit, ku përvec aromës së keqe mbetjet urbane bëhen pengesë edhe për të kaluar. Po ashtu burime për Gijotina.com bëjnë me dije se bashkia ka marrë masa për këtë problem vetëm në qendrën e qytetit, ndërsa kazanët e plehërave në zona dhe lagjet e qytetit kanë marrë përmasat e një “landfilli”. Të shqetësuar banorët e këtyre zonave janë shprehur për Gijotina.com se prej dy muajash plehërat mblidhen grumbull dhe se bashkia e ka neglizhuar totalisht, pastrimin e tyre.
“Më shumë se dy muaj, kështu janë hedhur dhe nuk janë lëvizur plehrat”, është shprehur njëri prej banorëve.
Sakaq një tjetër i revoltuar gjithashtu shprehet se “Shkojmë me ble bukë, të pshtiret, ske ku të kalosh”.
Këtë të fundit e dëmostrojnë edhe pamjet filmike të cilat duket qartë se grumbulli i mbetjeve urbane ndodhet shumë pranë tregjeve të vogla të fruta perimeve, e për këtë gjë bashkia vazhdon të mbajë duart në brez.
