Kanë kaluar disa orë nga atentati i tmerrshëm që ndodhi sot në Tiranë, ku mbeti i vdekur Aleksandër Sadikaj dhe ende asnjë gjurmë nga autorët. Ai humbi jetën për në spital pasi makina e tij shpërtheu në flakë, nga tritoli që i kishin vendosur në pjesën e poshtme. Sadikaj doli nga makina por këmbët i ishin gjymtuar plotësisht dhe si pasojë e gjakëderdhjes humbi jetën për në spital. Në foton e publikuar më poshtë është 27-vjeçari, i cili sipas dyshimeve të para u vra për hakmarrje dhe pazareve të drogës.
Sadikaj ka qenë disa herë i proceduar penalisht për vepra penale të ndryshme, por ishte larguar nga burgu. Si duket personat e të cilët ai kishte probleme ishin vendosur të merrnin hak, duke e hedhur sot në erë. Pamjet nga shpërthimi janë të tmerrshme, madje mbeten të dërmuara edhe disa makina aty pranë. Sakaq, policia po vazhdon me hetimet.
Discussion about this post