Ka dalë foto e personit që kreu vrasjen në Shëngjin të Ardian Nikulajt. Ky është personi që dyshohet se ekzekutoi biznesmenin në lokalin e tij në Shëngjin. Ai ecën me motor në rrugën drejt Shkodrës, me mjetin që ka targa të huaja. Personi në fjalë shihet me skafandër në kokë dhe lëviz me një motor me targa EPP 488.
Ardian Nikulaj u vra me armë zjarri të mërkurën në biznesin e tij në Shëngjin. Ngjarja ndodhi në lokalin “Coral” në pedonale të Shëngjinit, që është në pronësi të viktimës.
Vrasësi ka hyrë me skafandër motori në kokë dhe pasi ka qëlluar 50-vjeçarin, është larguar bashkë me motor.
51-vjeçari Ardian Nikulaj rezulton se ka disa biznese në zonën e Lezhës dhe ka qenë gjithashtu pjesë e politikës. Aktualisht ai garonte në listën e anëtarëve të Këshillit Bashkiak dhe më parë ka kandiduar për deputet në Lezhë në listën e PSD-së.
Discussion about this post