Personi në foto është 52-vjeçari Eduart Reçi, ndërtuesi i cili u qëllua me një plumb në kokë rreth mesnatës të së mërkurës në Tiranë dhe ndërroi jetë në Spitalin e Traumës.
Viktima u qëllua me armë nga persona të paidentifikuar në zonën e Fakultetit Ekonomik në kryeqytet, pranë pallatit që ai kishte ndërtuar dhe ku banonte vetë.
Sipas burimeve pranë grupit hetimor, familjarët e viktimës të cilët janë pyetur pas atentatit, kanë thënë se nuk kanë qenë në dijeni të ndonjë përplasje që mund të ketë patur 52-vjeçari Reçi me persona të tjerë.
52-vjeçari ishte sipërmarrës në fushën e ndërtimit, ndërsa ka qënë edhe drejtor i një drejtorie në institucionin e SHISH.
Ndërkohë, grupi hetimor ka sekuestruar kamerat e sigurisë në vendin ku u qëllua me një plumb në kokë Eduart Reçi. Burime pranë grupit hetimor thanë se nga materiali video e audio dëgjohet një e shtënë dhe menjëherë 52-vjeçari bie përtokë. Kamerat e sigurisë nuk kanë filmuar autorin ose autorët për shkak të errësirës.
Discussion about this post