Ka ndërruar jetë në moshën 49-vjeçare fotografi i famshëm, Joseph Sinclair, i cili ka fotografuar Dua Lipën, Nicole Scherzinger dhe yjet e “The Crown”.Sinclair fotografoi të gjithë, nga yjet e popit Dua Lipa dhe Nicole Scherzinger te aktori i Normal People, Paul Mescal dhe së fundmi, yjet e rinj të dramës mbretërore “The Crown”.
“Joseph fatkeqësisht vdiq të premten e kaluar. Kam folur me të rreth orës 16:00 në telefon, dhe më vonë kuptova se ai kishte vdekur atë mbrëmje. Të gjithë jemi shumë të trishtuar, ai ishte një njeri shumë i talentuar, tha menaxheri i tij, John Parkinson.
I specializuar në portretet e të famshmëve, puna e tij është shfaqur në botime të tilla si GQ, “Esquire”, “Vogue”, “Sunday Times” dhe “Vanity Fair”. Sinclair gjithashtu xhiroi fushata publicitare për Netflix, Disney, Amazon dhe HBO.“Fillova të bëj fotografi kur isha rreth tetë vjeç. I magjepsur nga kapja e njerëzve në film”, ka shkruar ai në faqen e tij të internetit. “Është pasioni për të krijuar që më shtyn. Gjëja e mrekullueshme për të pasur një aparat fotografik është se nuk e dini kurrë se ku do t’ju çojë, kë do të takoni dhe cili do të jetë projekti i ardhshëm emocionues”, shkruante ai.
Discussion about this post