“Ëndërr” në sirtar për çdo tifoz është një të takojnë idhullin e tyre dhe të bëjnë foto me ta. Nëse kjo mund të konsiderohet një realizim ëndrre dhe një festë, ka raste që duhet të rrezikosh për të pasur një moment të tillë.
I tillë është rasti i një 18-vjeçari i cili është bërë portagonist në ndeshjen mes Romës dhe Napolit e zhvilluar në “Olimpico”, me sfidën që përfundoi në favor të napolitanëve, teksa Victor Osimhen do të ishte vendimtar në këtë duel me golin e shënuar.
18-vjeçari ishte në rolin e stewardit në stadiumin Olimpico, me Matteon që pas ndeshjes priti gjatë për një foto me nigerianin. Por, ajo foto i kushtoi shumë pasi djaloshin e pezulluan ndërsa e njoftuan se ai nuk mund të jetë më stewart dhe një punë të tillë nuk mund ta bëjë në ndeshjet e Romës në Olimpico.
Gjithsesi, Osimhen që ishte dëshmitar i skenës në momentin kur djaloshin e pezulluan u mundua ta mbronte 18-vjeçarin duke theksuar se ai ishte shoku i tij. Megjithatë, në momentin kur fjalët e sulmuesit nuk u morën parasysh, Osimhen i premtoi djaloshit se ai do t’i gjente atij një punë. Një gjest i madh nga ana e lojtarit të Napolit, që nxitoi menjëherë të marrë në mbrojtje 18-vjeçarin dhe t’i garantojë të ardhurat.
Discussion about this post