Këta janë babë e bir Shefki dhe Hamdi Bylykbashi nga fshati Zvezdë i Maliqit. 77-vjeçari vrau djalin e tij me çekiç ditën e djeshme pas një konflikti të fortë mes tyre.
Hamdi Bylykbashi ishte ndarë prej disa kohësh nga gruaja dhe pas kësaj ishte kthyer në përdorues të pijeve alkoolike.
Banorët kanë thënë se ai jetonte jashtë bashkë me familjen, por ishte kthyer pak kohë më parë pas disa mosmarrëveshjeve.
“Jetonte jashtë bashkë me familjen dhe ka pak kohë që është kthyer. Mosmarrëveshjet me familjen e tij kanë bërë që të kthehet në vendlindje.
Kishte 3 fëmijë. Nuk kishin konflikte me parë”, ka thënë një banor.
Si ndodhi krimi
Krimi në familje tronditi një familje në një fshat të Maliqit të premten e 17 shkurtit. 77-vjeçari Shefki Bylykbashi ra në prangat e policisë, veprën penale “Vrasja për shkak të marrëdhënieve familjare”, pasi i mori jetën të birit nga goditjet me sende të forta.
Viktima është 50-vjeçari Hamdi Bylykbashi, i cili mësohet se ka qenë i dehur në momentet kur ka ndodhur konflikti mes tij dhe të atit, të cilin ka dashur t’a hedhë në pusin e ujit në oborr.
Në këto kushte, për vetëmbrojtje, i moshuari e ka goditur disa herë në kohë të birin me një çekiç që përdoret për të thyer gurë.
Viktima ishte i divorcuar nga bashkëshortja dhe jetonte jashtë vendit.
Ai kishte disa muaj që ishte kthyer dhe për shkak të divorcit, 50-vjeçari kishte nisur të konsumonte alkool çdo ditë.
Shefki Bylykbashi
Hamdi Bylykbashi
Discussion about this post