Kombëtarja e Francës përballet me Kazakistanin në orën 20:45, sfidë nga ku kampionët në fuqi të Botës kanë mundësinë për tu kualifikuar zyrtarisht në Katar. Trajneri Didier Deshamp ka analizuar këtë vigjilje të duelit në fjalë teksa zbulon situatën e Benzema.
“Benzema ka pasur një problem në dy ndeshjet e fundit me klubin, por që kur u grumbullua me kombëtaren të hënën, është stërvitur shumë mirë i diferencuar. Ai ka mjaftueshëm eksperiencë për ta menaxhuar veten.
Kualifikimi në Kupën e Botës është një rrugë e gjatë dhe e vështirë. E kemi ne në dorë kualifikimin përpara ndeshjes së fundit.
Nuk mund të krahasohemi me vitet e shkuara. Kazakistani nuk është një skuadër e lehtë. Ata nuk dorëzohen kurrë dhe këtë e kanë treguar në ndeshjet e fundit. Nuk pres që të shoh një skuadër të çmobilizuar”, theksoi trajneri francez.
Discussion about this post