Përpos Behar Çukajt, edhe bosi tjetër i naftës Frident Kuqi, pronar i kompanisë Elda, rezulton i përfshirë në mënyrë të tërthortë në ‘gropën’ 5.5 miliardë të Bankers Potroleum me pasurinë nëntokësore të Shqipërisë. Kompani të kontrolluara nga biznesmeni Kuqi janë përfshirë në transaksione qindra mijëra euro me kompanitë e hajdutit të shekullit Leonidha Çobës, ish administrator i Bankers, i denoncuar nga vetë Bankers për vjedhjen e 100 milionë eurove me faturime fiktive. Pasi Bankers përzë në vitin 2019, Loni nis të faturojë qindra mijëra euro për kompani që kontrollohen nga Frident Kuqi, sipas prokurorisë, në mënyrë fiktive, pasi kompanitë e Lonit rezultojnë pa asnjë punonjës, pra fantazmë.
Frident Kuqi është një personazh me precedentë penalë, me histori pengmarrje. Kuqi ka denoncuar lidhjet e Sali Berishës me Rezart Taçin në Ambasadën Amerikane, por pas rënies së Taçit, në kërkim ndërkombëtar, Kuqi është lakuar për financim të Familjes Berisha. Ai nuk është lakuar kurrë nga Berisha, i cili nuk lë njeri pa përgojuar, me përjashtim të atyre që paguajnë te Shkëlzeni.
Në dosjen e Prokurorisë nuk ka një hetim se pse bosi i Eldës i jep para Leonidha Çobës, pasi ky i fundit është larguar nga Bankers. Një përgjigje të tillë mund t’a japë vetëm SPAK. Hetimi i Prokurorisë Fier është tejet i cekët, i mangët dhe i dobët në raport me dosjet e SPAK-ut. Ka gjasa së Loni i Bankersit, gjatë drejtimit të kompanisë, ka bashkëpunuar dhe favorizuar oligarkët e naftës në dëm të shtetit shqiptar, të cilët më pas ia kanë kthyer reston duke e paguar me fatura për shërbime imagjinare. Ka indicie që Bankes u ka dhënë naftë jashtë standardeve bosëve të karburanteve, të cilët më pas e kanë shitur si naftë D1.
Të gjitha episodet, si Alket Hyseni që mori 6 milionë euro, Endri Puka 1.4 milionë euro, Behar Çukaj, Idajet Ismailaj, Artur dhe Antigoni Çobo (vëllai dhe kunata e Lonit) që kanë marrë dhjetëra milionë euro, Baki e Fatos Sinaj etj., janë korrupsion, pastrim parash dhe grup i strukturuar kriminal, kompetencë e SPAK-ut. Prokuroria e Fierit i ka rënë shkurt, duke e trajtuar si evazion fiskal. /Prapaskena/
Discussion about this post