Frika më e keqe është bërë realitet te Real Madrid. Rastet me Covid kanë “shpërthyer te “Los Blancos”. Ditën e djeshme u konfirmuan pozitivë Luka Modric dhe Marcelo dhe madrilenët sapo kanë njoftuar se katër lojtarë të tjerë janë të infektuar dhe me koronavirus.
Ata janë Gareth Bale, Marco Asensio, Rodrygo Goes dhe Lunin, të cilët tashmë e kaluan sëmundjen në gusht. Davide Ancelotti, asistent dhe djali i teknikut, gjithashtu ka Covid.
Përhapja e Covid tronditi rrënjësisht rutinën e ditës nëqendrën sportive. Të gjithë anëtarët e stafit si dhe punonjësit i janë nënshtruar testeve të antigjenit dhe PCR gjatë mëngjesit, gjë që e detyroi Ancelottin të shtyjë stërvitjen.
Real Madrid nuk do të jetë në gjendje të llogarisë të paktën këta gjashtë lojtarë për të luajtur dy ndeshjet e fundit të vitit kundër Cádiz këtë të diel në Santiago Bernabéu dhe kundër Athletic të mërkurën e javës së ardhshme në San Mamés.
Që nga shpërthimi i pandemisë, të vetmit futbollistë të Real Madridit që nuk kanë rezultuar pozitivë për COVID janë Courtois, Carvajal, Lucas, Ceballos, Isco, Mendy, Camavinga dhe Vinicius.
Discussion about this post