Komisioni i Rithemelimit ka vendosur të shtyjë zgjedhjet në Bulqizë për shkak të problemeve me listat e votuesve, ku mësohet se në lista janë futur kandidatë që nuk janë pjesë e Partisë Demokratike.
Mësohet se dy nga tre kandidatët kanë pretenduar se listat janë fryrë dhe pas ndërhyrjes së Berishës, zgjedhjet janë shtyrë për një ditë tjetër.
Kandidati Fatos Hoxha pretendon se janë shtuar në listë afro 500 anëtarë më shumë. Nga 1700 anëtarë, lista ishte me 2300 anëtarë. Hoxha thotë se janë dy lista dhe se nuk është dakord për nisjen e procesit të votimit. Edhe kandidati tjetër Dëfrim Fiku kërkon që të mos zhvillohet procesi zgjedhor me këtë listë votuesish.
Personat dyshohet se janë shtuar nga kandidati qe ka mbështet Komisionin e Rithemelimit, ku janë konstatuar se emrat jo anëtarë te PD janë nga zona e tij.
Discussion about this post